Álfsnes Þriðjud. 30/8
Fór með Hafstein á grasið við Álfsnesbrautina. Rigndi töluvert um daginn þannig að öll mold var súpersleip. Okkur tókst báðum að setja hjólin niður í drullunni og vorum ekki nema um hálftíma á staðnum.
Hugmyndin er að setja hér myndir af hjólaferðum og sitthvað annað sem mér dettur í hug.
Fór með Hafstein á grasið við Álfsnesbrautina. Rigndi töluvert um daginn þannig að öll mold var súpersleip. Okkur tókst báðum að setja hjólin niður í drullunni og vorum ekki nema um hálftíma á staðnum.
Fór með Hannibal, Kjartani og Pálma upp í Landmannalaugar via Dómadal. Fórum af stað úr bænum um 9.30 og komum aftur rétt rúmlega sjö. Geðveikt veður, vorum um tvo tíma á staðnum að borða og í lauginni. Hjóluðum um 100km og ég þurfti að setja á res og hefja sparakstur þegar um 10km voru að bílunum. Þegar við komum að bílunum skilaði Kjartan sér ekki þannig að við Hannibal bættum á hjólin og brunuðum til baka. Kjartan hafði þá tekið biltu en var komin af stað aftur þegar við mættum honum. Pálmi tók svo smá biltu við bílana. Frábær ferð.
Fór með Gulla og Pálma í brautina í mosó í gærkveldi. Tókum létta stökkæfingu í lokin. Hægt að hjóla til c.a. tíu en þá var komið töluvert rökkur og allt dimmt kl. hálfellefu.
Fór með Hannibal í smá túr í gærkveldi. Lögðum bílnum við Lögbergsbr. og hjóluðum upp að gryfjunum við Jósepsdal. Vorum smá tíma þar í gryfjunum og hjóluðum síðan frá kaffistofunni niður að Lyklafelli og þaðan að bílnum aftur. Komum að bílnum um 22:20 en tíu mínútum síðar var komið myrkur.